راعي نطح
11-04-2012, 10:38 AM
( ( كريم يا بارق ) )
البارحه ساهر والدمع يجري =والقلب حزنن على فرقا حبيبه
كريم يابارق ينوض حدري =واللي سرى بالغداري يقتدي به
واللى ضرب وادين خلاه يجري =عسى طروش البوادي ترتوي به
متخفي لابس له بشت بدري =حسبي على البشت واللي غرني به
يامدمج الساق حالي منك مبري =بري النجاجير عيدانن صليبه
ابو قرون تغذى بالشمطري =مثل السفايف على كور النجيبه
ابو عيون الا دلت غزري =ترمي بالاسباب ويل اللي تصيبه
ابو خديد يشادي نجم فجري =والا القمر لا انتحا يبغي حبيبه
ابو نهيد كما الفنجال زبري =ويمزع الثوب من حال غصيبه
ياليتني عالم للغيب وادري =عن غض الا نهاد منهو من نصيبه
ياليتني حايف يقال خبري =انهب صخيف الحشا ثم اغدي به
من طاب لي طبت له والكل يدري =واللي يتغلى علينا وش نبيبه
ان مت حطوا بدرب البيض قبري =تكفون حطو على قلبي نصيبه
يامن يرد الحبيب وياخذ اجري =قفى بلا سبتن ربي حسيبه
ماقدر الله على المخلوق يجري =والعبد لزم ترى ياخذ نصيبه
وآ قو ماصابني وآ قو صبري =لعل ماصابني منه يصيبه
يالله طلباك يامغني كل فقري =كلن على قد حاله تعتني به !
من قصايد الشاعر الكبير / سليمان بن شريم
تفضلوا معاني بعض الكلمات التي تعرفت عليها من اطلاعي المتواضع على المصطلحات الشعبيه :
ينوض / يشع ويلمع
الغداري / الصحاري
يقتدي به / يهتدي على نوره نور ( البرق ) الى الطريق من شدة الظلام
طروش البوادي / عابرين السبيل في الصحاري .
القرون / الجدايل ( الشعر ) ويقصد به شعر حبيبته .
الشمطري / طيب قديم تستعمله النساء وله رائحه زكيه تمسح به على رئسها .
السفايف / جلود تستخدم للزينة وتضوع على ظهر البعير وتكون متدليه الى الاسفل .
النجيبه / الناقه السمحه النافعه لصاحبها .
صخيف الحشا / منهوب البطن ضامر .
واتمنا من كل قلبي من شعرائنا الغالين واخوانا المطلعين ولديهم معرفه كثر مني يصححون لي
لو كان عندي خطا في احد المعاني التي وضحتها
وعندي طلب صغير اتمني منهم يساعدوني فيه لاني بصراحه احترت في بعض المعاني وكلي امل منهم
يوضحون لي المعني :
مدمج الساق
غزري
زبري
حايف
كل امنياتي على ان تنال القصيده رضاكم وانشالله اكون خفيف ظل عليكم بمشاركتي
ولكم مني جزيل الشكر وكل الود والحب والاحترام والتقدير
البارحه ساهر والدمع يجري =والقلب حزنن على فرقا حبيبه
كريم يابارق ينوض حدري =واللي سرى بالغداري يقتدي به
واللى ضرب وادين خلاه يجري =عسى طروش البوادي ترتوي به
متخفي لابس له بشت بدري =حسبي على البشت واللي غرني به
يامدمج الساق حالي منك مبري =بري النجاجير عيدانن صليبه
ابو قرون تغذى بالشمطري =مثل السفايف على كور النجيبه
ابو عيون الا دلت غزري =ترمي بالاسباب ويل اللي تصيبه
ابو خديد يشادي نجم فجري =والا القمر لا انتحا يبغي حبيبه
ابو نهيد كما الفنجال زبري =ويمزع الثوب من حال غصيبه
ياليتني عالم للغيب وادري =عن غض الا نهاد منهو من نصيبه
ياليتني حايف يقال خبري =انهب صخيف الحشا ثم اغدي به
من طاب لي طبت له والكل يدري =واللي يتغلى علينا وش نبيبه
ان مت حطوا بدرب البيض قبري =تكفون حطو على قلبي نصيبه
يامن يرد الحبيب وياخذ اجري =قفى بلا سبتن ربي حسيبه
ماقدر الله على المخلوق يجري =والعبد لزم ترى ياخذ نصيبه
وآ قو ماصابني وآ قو صبري =لعل ماصابني منه يصيبه
يالله طلباك يامغني كل فقري =كلن على قد حاله تعتني به !
من قصايد الشاعر الكبير / سليمان بن شريم
تفضلوا معاني بعض الكلمات التي تعرفت عليها من اطلاعي المتواضع على المصطلحات الشعبيه :
ينوض / يشع ويلمع
الغداري / الصحاري
يقتدي به / يهتدي على نوره نور ( البرق ) الى الطريق من شدة الظلام
طروش البوادي / عابرين السبيل في الصحاري .
القرون / الجدايل ( الشعر ) ويقصد به شعر حبيبته .
الشمطري / طيب قديم تستعمله النساء وله رائحه زكيه تمسح به على رئسها .
السفايف / جلود تستخدم للزينة وتضوع على ظهر البعير وتكون متدليه الى الاسفل .
النجيبه / الناقه السمحه النافعه لصاحبها .
صخيف الحشا / منهوب البطن ضامر .
واتمنا من كل قلبي من شعرائنا الغالين واخوانا المطلعين ولديهم معرفه كثر مني يصححون لي
لو كان عندي خطا في احد المعاني التي وضحتها
وعندي طلب صغير اتمني منهم يساعدوني فيه لاني بصراحه احترت في بعض المعاني وكلي امل منهم
يوضحون لي المعني :
مدمج الساق
غزري
زبري
حايف
كل امنياتي على ان تنال القصيده رضاكم وانشالله اكون خفيف ظل عليكم بمشاركتي
ولكم مني جزيل الشكر وكل الود والحب والاحترام والتقدير