مجالس البوادنه - عرض مشاركة واحدة

02-09-2012, 10:41 PM

قصيده في مدح شهران

إستمـع ياناشـدٍ عنّـا مـادامَ البــــــرق لاح = في سما فكري وذعذع ماضيَ الشجعان ريح
حن شهارين ٍ مخضّبـة الجنابـي والرمـاح = أهل العلوم الغانمة وأهل القدى و أهل المديح
فعولنا والدهر يشهد فـي مجـيّ ولا مـراح = ثابتـــة يوم الفعـــــول العفـر لا قامـت تطيـح
لاغدى فالدهر جاير ليـل ولا فـي صبـاح = مايدقـــــق جلّـــــه إلا ربعـي بْعــــاد الشبـيـح
في ميادين المسالَـم نفسـح الضيقـة فسـاح = وفي مـــــيادين الحروب زنودنـا تقـدح قديـح
ونقدّر وجيه الرجال اللـي تحيـيّ عالفـلاح = ونقـــدّر الجيهـان مـــــادام إنّ صاحبهـا نذيـح
ونوحي الهرجة ليا جت من رجاجيل ٍ صحاح = وإن جت من المخطي نقدّيه ونعلمْه الصحيح
وْلانفتق رواق القصير اليا عمود البيت طاح = نصـــدقـه ونخيّــــط فْتاقـه ونستـر مايبيـح
ونكرم الطرقي ولا حن حزة الضيفه شحـاح = نكـــــرمه لو مانصانا غيـر فالدهـر الشحيـح
ونكسب اللي منه ريح العنبرة والمسك فـاح = ونسفه اللي مايجـــي منّه سـوى ريـح ٍ قبيـح
فإستمع ماجاد به دلوي مـن العـد القــــــراح = وإذهن اللـــي في كنانة صفوة الهـرج المليـح
زبدة البدعة.و ملح الهرج. في جنبي ســلاح = احتزم به لا قرحت دنيا الدوَل فينـي قريـح

وسلامتكم

المصدر: مجالس البوادنه - من قسم: مجلس الشعر