شاعر بني تغلب اللي علمهم غانم = قوم نهار لزوم تقول وتــــــــــــــــــــلاقي
سلم عليه وعلى من تاجده عنده = وسلم على بوه واخوانه والارفــــــــــــاقي
تلقاه عند الركايب توما فاقت = ماهوب للنوم مع الاصباح عشـــــــــــــــــاقي
ماودك يشوفها الحساد بعيونه = ابروك ومعقلات وفيهن اطــــــــــــــــــلاقي
أول بشورك على حليب خطواها = لا مدلك لاتجي للفال صفــــــــــــــــــــاقي
ثم اقلط لمجلس روادته واجد = فيه اشقر البن له شارب وســـــــــــــــواقي
وإذا نشدك اخبره عن موجز اخبارك = واخبره عن وقتي اللي ضيق اخلاقي
قله تراني صبرت ولانفع صبري = الحلم غلق وجات الخطر اضـــــــــواقي
ماضاقت الارض بهل الشرع والسنه = في بعض الاوقات ياصل غيضي ابناقي
وانا احسب اني حليم وحيلتي تنفع = حتى صدمت الزمان وصرت مشفـــــاقي
أول عليك اشتكي من دهرنا الجائر = اللي يحرق ضمير العاقل احــــــــــراقي
دهرنراعيه لكن مايراعينا = كنه بأهله انتحى والموج صفــــــــــــــــــــاقي
في ساعة الضيق صدقانك يعافونك = ووقت الرخا والسعه ياكثر الاصــــداقي
واللي شغل خاطري يجعلني افكر = حتى خذيت القلم وانهيت الاوراقـــــــــــي
فالعام زاورني سعيد وبن هندي = ومعزة الربع في قلبي والاعمـــــــــــــــاقي
وجوني ضيوف وحلفت إن افعل الواجب = وفزيت للربع مستانس ومشتــــاقي
لكن بعد المفاهم قالو اجلها = وخذيت منهم بها عهد وميثـــــــــــــــــــــــاقي
وانا ليا قلت والله مااقدر اخونه = حمل على حامله ماهوب ينطــــــــــــــــاقي
واليوم هذي سنتهم دارت وزلت = يالله عساني ليا وعدت صـــــــــــــداقي
من وصلني في محلي قمت في قدره = رزقي ورزقه على كتاب الارزاقــــــي
حلفت مااخلي الواجب وانا اقدر له = مادمت حي وقوي ويندرج ســــــــــاقي
هذي حقوق على الدنيا نقوم بها = الناس رحاله ووجه الله البــــــــــــــاقي
أبغيك لاجاك مرسولي تعلمهم = أن الوعد عهد عند العالم الــــــــــــــراقي
حسب الصله والصداقه بيني وبينك = ودي تحقق من الدعوى تحقــــــــاقي
لاتقبل العذر منهم حطني مثلك = لأنك على الموجبه عجل وسبــــــــــــاقي
وأسلم وسلم لبن ثايب على نفسك = اعداد مايلتحم نو وبــــــــــــــــراقي
وصلاة ربي على الطاهر نبي الله = اللي جمع شملنا بعد التفـــــــــــراقي