علي اليتيم و عبدالرحمن بن بديع

علي اليتيم و عبدالرحمن بن بديع

علي اليتيم

[poem=font="simplified arabic,4,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
يابومحمد صار في الوقت تحريف=فعل الجمايل ماله اليوم مخلوف
إسم الوفا يذكر ولكن ما شيف=قدّم وفا تجزا بنكران معروف
وين الرفيق اللي بعسر المواقيف=يقوم عن قومة طوابير وصفوف
إذا تجمّل ما يعد المعاريف=وإذا زهمته جا كما السيل مجروف
ماهو بيحسب في الجميلة تكاليف=ولاهو بيلحقها تمنّان وحسوف
بأسعى ورا رفقة جزيل التصاريف=وبأصد عن رفقة ضعيف وملقوف
فأن كان مابه كون عرف الملاقيف=فأنا على الدنيا معرّب ومعروف
أما لقيت اللي على الشف والكيف=وإلا على الرديان ماني بمكلوف
[/poem]

عبدالرحمن بن بديع

[poem=font="simplified arabic,4,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
يامرحبا عد المزون المراديف=براقها في ظلمة الليل مشيوف
رحمة رضا ماهي بعذاب وعواصيف=غدق مطرها مابها زيف وشعوف
ياشاعر عديت روس المشاريف=وبنيت لك قاف مروّض ومعسوف
لو إنه جايك من زمانك عجاريف=يابومحمد نكسر لشفّك شفوف
لكن تشكي من ضعاف التصانيف=اللي رداها للمناعير مكشوف
ترا البشر ما تتفق بالتصاريف=وأن كان دققت النظر ويش بتشوف
جنّب معرفة كل ملقوف وضعيف=حتى ولو تدفع لفرقاه مصروف
والحكمة اللي قلتها أمضا من السيف=تسوا لها عشرات وميات وولوف
أما لقيت اللي على الشف والكيف=وإلا على الرديان ماني بمكلوف
[/poem]

وسلامتكم جميع

المصدر: مجالس البوادنه - من قسم: مجلس قريحة الاعضاء

صح لسانك ولسان الشاعر ابن بديع

وننتظر جديدك

صح لسانك ولسان أبو محمد

الله يعطيكم العافيه مراده جميله جدا جدا

[glow=#0bbcc2]صح لسانك ولسان بن بديع [/glow]

صحة ألسنتكم جميع

صح لسان اليتيم وابن بديع

[glow=#f50c0c]
لاهــنـــتــــوا جـــمـــيـــعـــاً ,,,
[/glow]

صح الله لساااااااانك يا بو محمد
..............
وصح الله لساااااان ابن بديع
..............
قصيدة من العياااار الثقيل
..............
وعز الله انها من ارووووع ما قرأت
...............
بيض الله وجيهكم جميع
..............
ولا عدمنااااااااكم