قصيدة الصلح لابو منيف

قصيدة الصلح لابو منيف

[poem=font="simplified arabic,6,orange,normal,italic" bkcolor="transparent" bkimage="backgrounds/21.gif" border="none,4,black" type=1 line=0 align=center use=ex num="0,black""]
يـا الله يامـن تستجيـب ادعانـا=ياعالـم الجهـرا ومـا يخفـانـا
ارحـم تجمعنـا وبـارك فيـنـا=وزكّنـا ياخيـر مــن زكـاّنـا
وأصلح سرايرنـا وخفـف عنـا=وأغفر ذنـوب أمواتنـا وأحيانـا
وانصر حكومتنا وعـز الحاكـم=فـلا يعـز إلا أنـت يامـولانـا
ولا تعز أعـداك وأعـداء دينـك=عبّـادة الأصـنـام والأوثـانـا
وانزل علينا من بركـات السمـا=واطف الخصايم واصلح الشينانـا
واقبل شفاعة من تشفّع فينا=ولاتعذبنا بكثر اخطانا
كثْر الكلام ومـن حضـر تكلـم=وكلٍّ هرج في ذا المجال إلا أنـا
فحبيت أشارك باسم حاضر قبايلي=قبايـلٍ كثر الـدبـا الحنـانـا
ما كنهم الا في قرين وفى منـي=يرجون رب البيت فـي الغفرانـا
ماني بنادرهـم لكـن شاعرهـم=ولسانهـم لاعـد كـل لسـانـا
فاقول ماقال الامـام ابـن تيميـة=الحجـة العـلامـه البرهـانـا
نعوذ بالله مـن شـرور أنفوسنـا=وسيئـات أعمالـنـا واهـوانـا
واقول ماقـال الامـام الشافعـي=عسـى مهـوده جنـة الرضوانا
ابليس والدنيا ونفسـي والهـوى=وين الخـلاص وكلهـم أعدانـا
واقول ماقـال الفحيـل البوادنـه=للباشـه سليـمـان ياسليمـانـا
لانعطي الجزية ولانقبـل الجـزا=ولـو نمـوت ويرملـن نسـانـا
اما نعيـش وروسنـا مرفوعـه=والا نمـوت وحقـنـا ماجـانـا
موت الشرف ولا حيـاة الهانـه=هـذي عوايـدنـا وذا مبـدانـا
واقول ماقال ابن متـرك شـارع=لاخـوه راعـي سلـه وسنانـا
لاتظلم الشاقي ولا تاكل الشقـى=او تطرد الحنشل مـع الريعانـا
واقول ماقـال اليتيـم السلولـي=واوي والله كـثـروا اليتمـانـا
لولا شيمنـا ماعصبنـا روسنـا=ولا رهنـا للـرجـال لحـانـا
فالعلـم خيـر وعافيـة وعفاكـم=ياهـل مقـام سرنـا واسـلانـا
ونخصـك بمارودنـا يالحمالـي=لانـك معزبنـا فــلا تجفـانـا
جيناك نطلـب حاجـة معلومـة=لا هيـب تجهلكـم ولا تخفـانـا
فحق عليكم تقبلـون اعذارنـا=وحـق علينـا مانـروح ورانـا
فالأوله من أنتم ومن حنا=ربع ورفاقه ماحن بعدوانا
تواجهوا الجهال في غير موعـد=ثـلاثـة رابعـهـم الشيطـانـا
فلا حضرهم عاقـل فـك بينهـم=والا شهـد لفـلان ضـد فلانـا
فلا هو بمرضيكم ولا هو بودنـا=أمـر كتبـه الله وصـار وكانـا
هذا عبى الدنيا وهذي سواتها=تبلا الرجال الله لايبلانا
والكاظمين الغيظ ياكبر حظهم=مدري من أدعي له من العربانا
والعفو عند المقدرة شيمة العرب=واصل العرب قحطان ياقحطانـا
ولكـم علينـا خصهـا وامثالهـا=يااخواننا الغالين وآشقانا
فوالله لـو انهـا علينـا صايـرة=ثـم انكـم ألفيتـوا مثـل ملفانـا
ان نسمح وندمح ونقبـل عذركـم=وانتوجـه بالعفـو والسمحـانـا
هذا وصلى الله على سيد الملا=نبينـا الـلـي خُــلُقَهْ القـرأنـا
صلوا عليه وسلموا تسليما=والحمد لله خاتمة دعوانا
[/poem]

المصدر: مجالس البوادنه - من قسم: مجلس الشاعر محمد بن ثايب البوادنه