روابط مفيدة : استرجاع كلمة المرور | التواصل مع الإدارة
مجلس الشعر للقصائد المنقولة |
|
أدوات الموضوع | إبحث في الموضوع | انواع عرض الموضوع |
|
08-11-2010, 05:24 AM | المشاركة رقم: 1 | ||||||||||||||||||||||||||||||||||||||
|
المنتدى :
مجلس الشعر
الشايب والبنت
وحبيب .. وكانت في بنت في نفس القبيله راعيت مقالب " ملكعه" قالت في نفسها ليش مااروح للشايب امزح معه شوي واستهبل عليه واوسع صدري واشوف وش ردة فعله وارجع .. قامت وراحت للشايب وسلمت عليه وقالت كيف حالك ياشايب ؟؟ رد السلام وقال بخير الحمد لله وفجأه عطته ظهرها وراحت ولا أستأذنت ولا شيء عاد الشايب ولع من حركتها وكتب فيها كم بيت يستعطفها فيها وبيقول انها ذكرته بايام أول و بالماضي وقال لها انها اذا ماعطنه وجه لحق باخوه حمود الي في قبره ! وذكر بعد اليوم الي قابلته فيه البنت في قصيدته . يقول الشايب: يا بنت خذي خاطري وارحميني *** لا تجرحين العود بعيونك السـود غضي نظرك وغطي الوجنتينـي *** لعل يومٍ جدد الجرح مـا يعـود يوم انتهى مع مرمسات السنينـي *** جتني صواديفه على غير مقصود باول شهر عشره نهـار الثنينـي *** حمدان مرو به على جنازة حمود البنت كانت تقصد من استفزازه انها تجاريه في الشعر وترد عليه والمسكين ما كان يدري انها شاعره فردت عليه وهزأته تقول: يا شايب الرحمان وينـك ووينـي *** عزي لحالك قدامك الباب مسـدود قلبك عطوف وجاه قلـبٍ متينـي *** والبنت ما تشفق على مغازل العود حبل الرجا مقطوع بينـك وبينـي *** مثل الغليث اللي رعا قلبه الـدود اقفى شبابـك والعـرب مقبلينـي *** يا عود ما يرجع من العمر مفقود حطمته يوم قالت له انك عود وان الشباب ما يرجع وان ما فيه امل تعطيه وجه حس العود انه تورط وقال كم بيت يقول لها صدي عني انه ما يبي الغزل بعد ما وصل عمره ثمانين سنه. يقول حمدان : يا بنت صـدي بالعيـون الظليلـه *** لا صد عنـك الله نهـار القيامـه مالي ومالك يالفـروع الطويلـه *** لو فيك من رسم البـداوه علامـه يابنت مـا لـي بالثمانيـن حيلـه *** اهدف كما تهدف على البير قامـه اقفى شبابي والدهر شفـت ميلـه *** يالله حسـن الخاتمـه والسلامـه اعطيك موجز والبضاعـه قليلـه *** واخذت لك من صافي الماء سنامه راحت الايام بعد فتره مرت عليه مره ثانيه وردت عليه السلام واستفزته وراحت وخلته ولع الشايب مره ثانيه وقال ليه ما ابين لها في كم بيت انها بتشيب مثلي واني رجال طيب وان الناس تنصاني ومعروف بالكرم واني ما ابي منها غير التحيه والترحيب يقول حمدان : يا بنت ما جاتس الكبـر والخشونـه *** وعادت شباب اليوم يجفل من الشيب ياسرع ما وبلـك تمـزع مزونـه *** يالفاتنـه يـا ام الثمـان الرعابيـب يا بنت مـا بينـي وبينـك مهونـه *** كلمة شرف نبي تحيـه وترحيـب الله مـن عـودٍ ثقيـلـة طنـونـه *** ينصاه راع المشكلـه والمواجيـب على الكرم والديـن نفسـه حنونـه *** تلقاه بالاجـواد شـرق وتغاريـب جهز الابيات وارسلها مع عجوز ووعد العجوز بهديه اذا وصلت الرساله لها راحت العجوز وعطت البنت الابيات شافتها البنت وقفلت على العجوز في غرفه وقالت مثل ما جيتي بابياته ترجعين بابياتي العجوز مسكينه قالت طلعيني ولا ابي منكم شي الله لا يعودكم انتم واوراقكم. ردت البنت ابيات اقوى من الاولى واكثر تحطيم , مسكين الشايب ما احد رحمه حتى لو حاول يستعطف. تقول البنت : العود عود وطايحـاتٍ سنونـه *** من كثر ما يرقد على جرة الذيب عودٍ مهرقل والعرب ما يبونه *** ياعود ما لك في طويل المراقيب اقفى شباب العود راحت حتونه *** مثل اليتيم اللي بكا ما له مجيب جداه ينثر دمعـة ٍ مـن عيونـه *** غريق موجٍ ما لقا له مقاضيـب . المصدر: مجالس البوادنه - من قسم: مجلس الشعر
|
||||||||||||||||||||||||||||||||||||||
08-11-2010, 10:13 AM | المشاركة رقم: 2 | ||||||||||||||||||||||||||||||||||||||
|
كاتب الموضوع :
الكاسبر
المنتدى :
مجلس الشعر
|
||||||||||||||||||||||||||||||||||||||
08-11-2010, 11:04 AM | المشاركة رقم: 3 | ||||||||||||||||||||||||||||||||||||
|
كاتب الموضوع :
الكاسبر
المنتدى :
مجلس الشعر
بيض الله وجهك يالكاسبر والى الأمام انشاء الله |
||||||||||||||||||||||||||||||||||||
08-11-2010, 02:26 PM | المشاركة رقم: 4 | ||||||||||||||||||||||||||||||||||||||
|
كاتب الموضوع :
الكاسبر
المنتدى :
مجلس الشعر
قصيده رائعه
|
||||||||||||||||||||||||||||||||||||||
08-11-2010, 02:44 PM | المشاركة رقم: 5 | ||||||||||||||||||||||||||||||||||||||
|
كاتب الموضوع :
الكاسبر
المنتدى :
مجلس الشعر
مشكورين على المرور ( فديتكم )
|
||||||||||||||||||||||||||||||||||||||
08-11-2010, 05:59 PM | المشاركة رقم: 6 | ||||||||||||||||||||||||||||||||||||||
|
كاتب الموضوع :
الكاسبر
المنتدى :
مجلس الشعر
لاتعليق....
|
||||||||||||||||||||||||||||||||||||||
08-11-2010, 08:49 PM | المشاركة رقم: 7 | ||||||||||||||||||||||||||||||||||||
|
كاتب الموضوع :
الكاسبر
المنتدى :
مجلس الشعر
[gdwl] [/gdwl][gdwl][/gdwl][gdwl][/gdwl][gdwl][/gdwl][gdwl][/gdwl][gdwl][/gdwl] قصة رائعه تسلم يالكاسبر والله يعطيك العاافيه يالذيب [/gdwl] |
||||||||||||||||||||||||||||||||||||
09-11-2010, 12:05 AM | المشاركة رقم: 8 | ||||||||||||||||||||||||||||||||||||
|
كاتب الموضوع :
الكاسبر
المنتدى :
مجلس الشعر
اشهد بالله ان هذي البنت مصيبة |
||||||||||||||||||||||||||||||||||||
09-11-2010, 02:09 AM | المشاركة رقم: 9 | ||||||||||||||||||||||||||||||||||||||
|
كاتب الموضوع :
الكاسبر
المنتدى :
مجلس الشعر
[frame="7 80"]
|
||||||||||||||||||||||||||||||||||||||
10-11-2010, 11:41 PM | المشاركة رقم: 10 | |||||||||||||||||||||||||||||||||||||||||||||||
|
كاتب الموضوع :
الكاسبر
المنتدى :
مجلس الشعر
البنت هذي حلها الوحيد طلقة كلاشنكوف وتخلي الشايب في حاله
|
|||||||||||||||||||||||||||||||||||||||||||||||
مواقع النشر (المفضلة) |
الكلمات الدلالية (Tags) |
الشايب, والبنت |
|
|