قصيدة لابو سعد في غزة

قصيدة لابو سعد في غزة

[poem=font="simplified arabic,4,blue,bold,normal" bkcolor="transparent" bkimage="" border="inset,4,darkred" type=0 line=0 align=center use=ex num="0,black""]
يالله ياللي بيدك الخير كله=يا محصي عد النسايم والانفاس
افرج لقلب فيه تسعين عله=بين القهر والظلم والعجز والياس
وعين بها عن لذة النوم شله=يبدي عمود الصبح ما اغط بنعاس
اخذت افكر بين حله ومله=والفكر تاه وتالي الفكر وسواس
من حال امة صار في العقل خله=من حال امة وضعها يدوش الراس
امة محمد خير امة ومله=يا امة الاسلام مبنى على ساس
الشرع من خير الشرايع سجله=دستورها القران والحق مقياس
كنا من اول دوحة مستقله=يلجى بها من يشكي الظلم والباس
شدنا حضارة شامخة مستقله=منها تبين فضل ناس على ناس
واليوم صرنا امة مضمحله=محسة يفطن لها كل حساس
تكاثرت الاطماع من كل حله=فينا ولا فينا على الواقع احساس
من شوفتي غزة كفنها تشله=تزعج بصوت والشفاتين يباس
صباحها بارود والليل مله=تصبح وتمسي تجرع الدم في كاس
غدا عليها من القنابل مظله=جريمة يوطا بها اجيال ويداس
في وسط غزة للجثامين تله=شيوخ واطفال ونسا بيد الانجاس
مجازر وتشريد بطش ومذله=هذي بداية واقرع اجراس باجراس
وضع خطير وكلنا فاطن له=بس الكلام ان صرت والوضع محتاس
نصبر وصار الصبر فينا جبله=بين اليهود وبين محمود عباس
[/poem]

المصدر: مجالس البوادنه - من قسم: مجلس الشاعر عبدالرحمن بن سعد البوادنه