قصيده سلطان الهاجري

قصيده سلطان الهاجري

بسم الله الرحمن الرحيم
السلام عليكم ورحمة الله وبركاته
أسـ ع ـد الله جميع أوقاتكم بكل خير

أقـــدم لكم قصيده للشاعر الكبير / سلطان بن محمد ال وســــام الهاجـري
وهو شاعر كبير ومعروف وله وجودهـ في ميدان المحاورة وفي شعر النظم
،، أتـمـنـى أن أقـــدم ما يـنـال على إعـجـابـكـم ،،

شاعر الوزن الثقيل (الليـــالي)
الليالي مشاكلها عراض طوالي
للنفوس الشقيه والنفوس السعيده
غاره من يمين وغاره من شمالي
توهمك بالهدوء وعاصفتها شديده
ياوجودي علي الراحه وياوجد حالي
ليت مالي مع الشعار ولانشيده
هب ياهالزمان اللي غزاني لحالي
كل يوم علي الهاتف يجيني قصيده
ذي معاتب حبيب وذي مشاريه غالي
وذي تحفض من السكر وهاذي تزيده
والعرب علمهم بي يوم صدري شمالي
والليالي مقفت به لايمكن تعيده
روحت مع مهب الريح ياهملالي
ماحد جت له الدنيا علي مايريده
والتجارب عطتنا ميزه الاحتمالي
ودرستنا مشاوير الحياه البعيده
ان مابه حياه الا وراها زوالي
والبنادم بهالدنيا شبوحه بعيده
مير ماهيب لامكسب ولاراس مالي
كود من حط قوله والنعم في رصيده
وطاب عند البعيد وطاب عند الموالي
وله نصيب الاسد من الخصال الحميده
وان تثنت عزوم مشوربين العيالي
عزمه اقوي من ظروف الحياه العنيده
يرتكي بالمناكب للحمول الثقالي
والطفر في راسه المطنوخ والا وريده
خل فعل الجدود وخل فعل الخوالي
ندري انك ولدهم والعلاقه وطيده
وندري ان فعلهم يستر بنات الحلالي
حتي لو جدك اكحيلان وانته حفيده
اما حث القدم واطلع علي راس عالي
والا خلك كذا وان مت ما انت بفقيده

المصدر: مجالس البوادنه - من قسم: مجلس الشعر

اشكرك على هذه القصيده الرائعه

اما حث القدم واطلع علي راس عالي
والا خلك كذا وان مت ما انت بفقيده

[glow=#f01a1a]

الـلـهـ الـلـهـ صــح لــســانـ الـقـائـلـ ولـسـانـ الـنـاقـلـ ,,,
[/glow]

صح الله لسانك ولسان قايلها
ولاهنت

قصيده رائعه

صح لسان ابو وسااام
ولاهنت