رصيدك في حياتك سمعتك مع طيبين الفال

رصيدك في حياتك سمعتك مع طيبين الفال

[frame="10 80"]

قصيدة فيها من الحكم والنصح الشي الكثير
معوّض خير ياحيٍ تهقوى في الزمـان ومـال =سنينك لو رقيـت بعدلهـا يطرحـك مايلهـا
تعلّم وإعرف إن الدرب قدامك سهـل وجبـال=جبـال تطولهـا وجبـال بعيونـك تخايلـهـا
ومعوّض خير ياحيٍ وردت الماء بدون حبـال=يطول بك الوقوف وشربة المـاء ماتحصّلهـا
وقوفك عند راس البير مايسقيك لـو فنجـال=ولاينفعك شوف الجمـه اللـي منـت طايلهـا
ومعوّض خير ياحيٍ خدعك من الرجال أشكـال=تشوف أشكالها وتحطها أرفـع مـن منازلهـا
تعلّم من زمانك لاتصير مـن أجهـل الجهـال=ترى في كل يـوم تجيـك عبـره لاتجاهلهـا
إذا ربي وهب لك عقل تلقى في الرجال رجـال=تعرف اللـي يطلّـع قيمتـك واللـي ينزلهـا
ترى من بعض مايندي الجبين ويحرج الرجال=لياسـاق الميانـه فـي نفـوسٍ ماتقبّلـهـا
ومهما شفت في صاحبك من نخوه وطيبة فال=ترى بعض السجايـا كثـرة الإلحـاح يقتلهـا
معاريف الرجال ديون وديون الرجـال ثقـال=لياصرت متعافي ليش تغـرق فـي جمايلهـا
رصيدك في حياتك سمعتك مع طيبيـن الفـال=رجال الطيب والمعروف بالمعـروف عاملهـا
ولاتبدي بجاهـك فـي مقـامٍ مايسـر الحـال=ولاتشفـع لنـاسٍ ماتنومـسـك بفعايلـهـا
لياجاتك تعذّرهـا مـدام العـذر لـه مدخـال=ووقت الجد قول لهـا الصحيـح ولاتجاملهـا
وخذ منـي نصيحـه لاتصـدق كـل ماينقـال=يجـرك للنميمـه ليـن يطرحـك بحبايلـهـا
يجيلك ناقـل النمّـات بهـروجٍ تغـث البـال=سوالف في قفاك وحظك أطيب يـوم تجهلهـا
يبـرر بالحميـه والصداقـه شينـة الأفعـال=يجمّـل صورتـه بعلومـه اللـي ماتجمّلـهـا
ولو كانت حميه فيك رد المخطيه فـي الحـال=ولاكان إستمعها فـي قفـاك وجـاك شايلهـا
ترى من جاب لك ودّى وهذي عـادة النقـال=يحاول يقتنص من فمك كلمـه لأجـل ينقلهـا
ومثل ماقال عندك راح عنك وعند غيرك قـال=وزوّد عشر فوق الكلمه اللـي كنـت قايلهـا
تجنّب مجلسه لاتجلس إلا مع كريـم خصـال=تحمّـل ميلتـه وإن ملـت ميلتـك يتحمّلهـا
ولاتصبر على الجار الردي لوهي ثلاث ليـال=تضـرك جيرتـه لوكـان بيبانـك تقفلـهـا
وبيع الدار بأول سومةٍ تعرض علـى الـدلال=ورزقـك عنـد ربٍ كاتـب اللقمـه وكافلهـا
وبنتك لاتزوجها الردي لوهـو كثيـر المـال=تربيهـا علـى الطـالات وتشـوّه سلايلهـا
وكم من لاش يرمي خيبة إبنه فوق راس الخال=لوإن الخال من روس الرجال ومـن دلايلهـا
ليامنك عرفـت تميّـز الطيّـب مـن البطـال=وفادتك التجارب في الحيـاة وفـي مسايلهـا
وكشفت الفرق مابين الصحيح وحيلة المحتـال=وتعلمت الفراسه في الوجيـه اللـي تقابلهـا
بعد هذي ترى مالك غنى عن صحبة العقّـال=يدلونـك بـرايٍ ينقـض الدعـوه ويفتلهـا
يقولون الرجال اللي سوالفهـم حِكـم وأمثـال=ليامن ضاعت الحيلـه يـدل القـوم عاقلهـا
نصيحة واحدٍ جرّب وشاف من الزمان اهـوال=يقدّم لـك خلاصـة هجـرةٍ جـرّب هوايلهـا

شاعر الحكمه /عبدالله الطلحي الهذلي

[/frame]

المصدر: مجالس البوادنه - من قسم: مجلس الشعر

صح لسان الهذلي ولاهنت يامخاوي النشاما على القصيدة المميزة

سـلـمـت والـلـهـ عـلـى نـقـلـكـ لـهـذه الـحـكـم الـطـيـبـة وصـح لـسـان الـشـاعـر

[glow=#1181bd]مشكور على النقل الرائع [/glow]

شكرا يامخاوي النشاما وصح لسان الهذلي

صح لسان الهذلي ولاهنت يامخاوي النشاما ومشكور على النقل الرائع

يعطيك العافيه
وننتظرك كل ما تتحفنا به من ابداع

شكراً لك وصح لسان الشاعر

[glow=#f01313]
صـــح لـــســانـــك ولـسـانـهــ ,,,
[/glow]

مــشــكــور وصــحـ لــســانــكـ يــامــخــاويــ الــنــشــامـ ولــســانـ الــشــاعـــر الــهــذلــيـ عــلــى هــذيـ الــحــكــمــ الــرائــعــهـ

يقولون الرجال اللي سوالفهـم حِكـم وأمثـال=ليامن ضاعت الحيلـه يـدل القـوم عاقلهـا

صح لسان الشاعر ولا هنت يا مخاوي النشاما على هذا الإختيار المميز ... الله يعطيك العافية