قصائد الشاعر يحي ابن عفيص

بسم الله الرحمن الرحيم

هذه القصيدة موجهة لنائب مدير شرطة الرياض آنذاك / عبد الله سعد بن جلبان الشهراني .

شكر وثناء لمواقفة السامية مع أخونا و شاعرنا / محمد بن ثايب الشهراني .

وذلك في تاريخ / 20 / 10 / 1418 هـ


يالله يااللي ما بننسا فضايله = يا واحد لسانه العبد نجاه

البارحة هاضت عليه مشاعري = وخلتني أذكر راعي الطيب وأنخاه

يا ولد بن جلبان يا ولدة الهدى = ياحي من ذا ذكره ونباه

جتني علومك مع طراريش بيشة = علم يبيض وجه من سواه

فعل(ن) فعلته عند اخونا ابن عمنا = فعل جميل ما حد(ن) ينساه

كسبتنا به كلنا يا شهراني = والله يقدرنا على جزاه

جملت شاعرنا وقضيت لازمه = بأهون وسيلة منهين دعواه

جملتنا يوم أنت راعي الجميلة = وجملت أبو سلطان وهنت أعداه

وفيت يوم الفلاليس قصرو = كل تبين طيبه من رداه

لاهان متن يحمل التاج والمقص = ويا سعد من جاء عانياً ونصاه

الي دعا الشاعر على وجبة العشاء = ثم أستخصه عقب ما عشاه

وعطاه شيك وموتر باستمارته = جي أكس آر بالجميل أهداه

يعطي وبو سلطان يستاهل العطاء = يعيش رجل نومسه وأعطاه

يقولها ابن عفيص باسم البوادنه = ارفع خطاب الشكر لك وأقراه

من لابة(ن) يوم اللقاء تنطح العدا = في يوم كل يشتحي مشحاه

واليوم دام الملك لأبو فيصل = في حمايته ما احد(ن) يشل عصاه

وختامها مني صلاة على النبي = واعداد مابين أرضه وسماه