مجاراة لقصيدة والدي في رثاء أخي عبدالرحمن

مجاراة لقصيدة والدي في رثاء أخي عبدالرحمن

يابوي صبرآ على الدنيا فما من قرار=اليوم في دارنا والصبح تختار دار
هذا عبا الوقت والدنيا رحاها يدور=والوقت دوّار واللي مابعد دار دار
الموت ماعنه صدّه يالله المستعان=الموت عيّا يفرّق في كبار وصغار
بكاك يبكي قلوبٍ من صخور وحديد=ويليّن القاسي اللي ماعرف الإنكسار
وبكاك جدّد على قلب المعنى عناه=زودٍ على مافعل فيه الزمن من دمار
لاشك هذي مصيبة غير لابدّها=لابدّها للجميع ولابها من خيار
والهالك الله يغفر له ويرضى عليه=والله يبدّله في الدنيا جنان القرار
مانملك إلا الدعا والله يجيب الدعا=والله يصبّر قلوب اللي غشاهم قيار
يارب جنبه من حر وسموم الجحيم=مايهلك المسلم اللي في حماك استجار
لاشك فقده علينا من كبار الخطوب=خطبٍ جلل غير ماعن حكم ربي فرار
هذا طريق نسيره كلنا لامحيد=لابد لابد مانمشي على ذا المسار
فلا عليها يكون اصبورها والثقات=لأن البلاوي على الدنيا سوات الشعار
فالحمد لله على حكمه وحكمه يصير=والله يعوّضه بالجنة وحسن الجوار

المصدر: مجالس البوادنه - من قسم: مجلس الشاعر حزام محمد بن ثايب البوادنه