الزمان

الزمان

[poem=font="arial,6,black,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]



يقول من كدّر زمانه مزاجه=النوم شفّه والســهر مسـتــشــفه
ماعد لي ذا اليوم في الناس حاجه=كلٍ يدايم حاجته في ملفه
أسهر مع حالي لحالي مواجه=مغير أفنّد جور هـمــي وأصــفّـه
أرجي سفر صبحٍ من الليل باجه=يمكن ليا بيّـن بــخــيرٍ يــزفـه
إثر الزمن مظلم ومطْفي سراجه=والوقت كله ليل ياللي تلفـه
ياوجْد منهو مثلي الوقت لاجه=حتى القلم ماعاد لي حيل أدفه
ياحزام شف هذا نصيبك وفاجه=حمل الزمن يلزمك ثقْله وخفه
أرفع كفوفك وأطلب الله وناجه=ماخاب من يرفع لمولاه كفه
فكم من سجينٍ يسّر الله فراجه=دمعه سنينٍ مالقى من يكفه
وكم من سقيم سهّل الله علاجه=من بعد ماقدجهزوا هله لفه
فمن عزّه المولى تضاحك حجاجه=لاخفّ ميزانه ولامال صفه
لابد مايصْفي الزّمن من عجاجه=وتناظر البستان ورده يحفه
هذا كنين القلب مدري خراجه=أعلنت به لو كان ماهوب شفه[/poem]

المصدر: مجالس البوادنه - من قسم: مجلس الشاعر حزام محمد بن ثايب البوادنه