قصيده مرثيه في الشيخ سالم بن شكبان

قصيده مرثيه في الشيخ سالم بن شكبان

هذه قصيده رثاااء في الشيخ{{سالم بن سلطان بن عبدالرحمن بن شكبان}}

(رحمه الله)

يــــارب لاتجــــــعل حيـــاتي معانـــــــــاة * ولاذوق حزن اللي من النـــاس نغليه

ويــارب هون لــوعة القـــــلب وبكــــــاه * وحقق مراده ليــــــن يلحق مشاهيه

عــلم فجــعنــــي زود الهـــم ودنـــــــاه * والصدر ضاق عما جرى له وحاديـــــــه

علم سمعته جر قلبي من اقصـــــــاه * والحـــزن فيه ترعد وتبرق مناشـــيــــــه

والعين تسقى العين لين فيضت ماه * والــــــــراس بيح ماه يـــوم هل مافيـــه

يالايمي عسى المقــــادير تـــبــلاه * في فقد أبو سلطان وشلون مــرثـــيــه

مرحوم ياشيخ على طيـــب مربــــاه * لا قليل ابن شـــكبان كملت معــــــانيه

لا والله الا راح ولاعـــاد شــــفـــنـــاه * ياعــــل في دار الكــــرامـــــــه نلاقيــــه

آقفى به المقســـوم ومقـدر جــــاه * اقفـــــى وخلا كل ربـــــعه وأهلـــيــــه

الموت حق وحــن بنلــحـق ونقفــاه * والمؤمن مايعارض على حكم والــيـــه

المـــــوت حــــق وكل نفس بتلقــــاه * مــــن طال عمـــره لازم انه يفاجــيــــه

ماهـوب على الرمثين وأدنى دنايــاه * فقـــده على كل القــبــايل وتـــبـــكـــيه

الفقد واحد واسرة الشيــــخ تنعـــاه * الله يبـــارك في من بعده ويبـــقيـــــــــــه

عسى ولي العـــرش يغفر خطايــاه * والله يبيحــــه كل مـــاحـــل طـــاريــــــــه

يغفـــر ذنـــوبــــــه كـــلـــها ويتنجــاه * لجـــنات خلـــد وحــور عــين تـــــــحـــيه

يدخل مداخل من يخافـــه ويرضــاه * يوســـــع مداخــيــله ويقبل حسانــيـــه

بالمرجــلـه والدين قد عــاش دنيــاه * يقــوم في حــق ومــواجــيب نــاصــيه

على النقا والعز والطيب ممــشــاه * مــاهــوب على الزلة يكــثـــر دعــاويـــه

ولاهوب على الشينه تناوشك عجفاه * ولا كـــسب الهينـــه في عـــــوانـــــيــــه

ذيب السرايـــا والجمــــوع المسماه * تعرف مواقيفه وتــشـــكر مـــســـاعــيــه

حلال صعبات الشـــرابيك مــــبـــداه * وليا قــدم فالــحـــق فرضـــه ويـــعـــطيـــه

مــقــدم عــيال رامـث حميــده مزاياه * شيخ على شيخ عريبـــه مجـــانــــيــــه

ماهيب غريبه منه والطيب منــــــجاه * مجــــناه صـــواريـــــم الحــــرار ومــــراقيه

أبــوه وجدانه هـــل الدين وحــمـــاه * بيت قديم في ماضي الوقـــــت وتالــيـــه

ســالم ابــن شكبـــان والهم يجلاه * قايــد جيــــــــوش الامام ينقــل عزاويـــه

ابنــه فهاد بعده وقد واصل اخــطــاه * حكــام بــيــشــه والحرايب تصـــالـــيـــه

والشيخ سلطان بن شكبان منساه * مكرم وفـــود الــــقوم لاجــات تلـــفيـــه

أبو عبـــدالرحــمــن والــــلاش يفـــداه * قد طــــال عمره لين حقق مــرامـــيـــه

قد عاش في دنياه وفي ماضي أصباه * من دون بيشـــه ماتــردت هـــقـــاويـــه

تلفي القبايل صوب شيــخ وتنصـــاه * اما يغــــــدي الضــيف ولا يـــعـــشــيـــه

راعي المجاعة جــايه الجوع واجلاه * يرجـــون ماعنده من التـــمر وحـــاليــــه

كــبــار العطايا دايم من عطــايــاه * مـــزراع وغــــرس اجـــــلال مــثـــانـــيــه

ماهــــمته دنـــياه ولا الهــم يــالاه * وبــــارك الله فــــيــــه وكـــثـــرت ذراريـــه

أنجــب شيــوخ وكل عالي تعــلاه * خلف مـــضــاويــح الدجا بليل ســـاريـــه

من مات منهم جنة الخلد مثواه * الله يثـــيــبه عـــد مــاقـــــــام داعـــيـــه

والحي منهم ياعسى الرب يرعاه * يطـــول عمره لين يلـــحـــق أمـــانـــيه

عــســاه يلقي الخير والخير يلقاه * واللي مريــض ابــزهــم الله يــعــافـــيه

كل على طيبه وعلى الفعل يمـناه * والمـــدح مايســتاهله كـــون راعـــيــه

من لا مني في مدحهم ماعاذرناه *ياعـــل مــــوت يفني الخلـــق يفنـــيه

هذا كلام الصدق والصدق منجاه * وهذا الصحيح والحــق تظهر مواريــــــه

***************
قائل الأبياااات الشاعر راشــد بن عبدالله بن جــرمــان..

المصدر: مجالس البوادنه - من قسم: مجلس الرمثين

[glow=#802929]
صــح الــلـه لــسـانــك ولــســان أبــو عــبـد الـلـه والـلـه يــرحــم الــشــيــخ

أبــو ســلــطـــان ,,,
[/glow]

صح لسان الشاعر ورحم الله الشيخ سالم .وبيض الله وجهك على النقل والاختيار.

الله يعطيك العافية على النقل المتميز

[frame="3 80"]
بيض الله وجهك يالشهم الاصيل على اختيارك هذه الملحمه في الشيخ سالم بن شكباان رحمه ورحم اموات المسلمين
دمت سالمااااا
[/frame]

صح لسانك ولسان الشاعر

الله يرحمه وصح الله السان الشاعر
ولاهنت

مشكور على النقل

رحم الله الشيخ وأسكنه الله فسيح جناته .... وصح لسان الشاعر المبدع

الله يرحمه وصح لسانك ولسان الشاعر