مشعل جمعان المنبهي وعلي الزهيري الغامدي

مشعل جمعان المنبهي وعلي الزهيري الغامدي

ابيات مشعل الشهراني
موجهه للشاعر علي الزهيري

[poem=font="traditional arabic,5,darkblue,bold,normal" bkcolor="white" bkimage="" border="none,4,gray" type=1 line=0 align=center use=sp num="0,black""]

على الله توكلت وجهش خاطري ببيوت=بيوت(ن) تعبر عن هجوسي وخافيها
لعلّ الزهيري يوم يسمع يردّ الصوت=ويدري من العربان الاقصى ودانيها
يجاوب هجوسي يوم بعض الرجال سكوت=وعيّت تفهّمني وتفهم معانيها
انادي وباح الصوت والصدر فيه نهوت=ولا تسمع الصايح عسى الله يقاضيها
على بالها ان شعورنا مزحةٍ ونكوت=نغنّي لاجل تضحك وتصفق باياديها
لكن نصبر بصبر ابن متّى بوسط الحوت=مقدّر على نفس(ن)تخيب هقاويها
يكفّيني ادعس همّ ذيك السنه بالبوت=بعد ذقت مرّتها قبل ذوق حاليها
ورجانا على اللي جاعل(ن) للخلايق قوت=الهٍ عليم بكلّ نفس(ن) ومافيها
اجامل مع الايام لو سرّها مكموت=وجاتك علوم(ن) ياعلي كنت كانيها
فحيات ابن ادم كورةٍ ضاريه بالشوت=وعزّي لمن كورته تخطي مراميها
تبي الزبده انه وصلني دعوةٍ وكروت=وتغاضيتها لو علّتي من تغاضيها
وانا قصتي مثل العواجي وحبّه نوت=يامزين مباديها ومشين تواليها
فوجودي على شوفة صحيبي قبل لآموت=قبل ماتوادع كل ّنفس(ن) وغاليها
[/poem]

ردود الشاعر( علي الزهيري )

[poem=font="traditional arabic,5,darkblue,bold,normal" bkcolor="white" bkimage="" border="none,4,gray" type=1 line=0 align=center use=sp num="0,black""]
على الله ويوصل حبل محبوبك المبتوت=وتبلغ معه نفسك لغاية امانيها
تجاوبت يامشعل مع شعرك المنحوت=وهيضت نفسي قبل تعلن توانيها
مزجت العسل ياصاحبي مع شراب التوت=وعدلت لأبيات القصايد مبانيها
تحن القلوب اذا حداها الضنى والفوت=وصار التنائي شغلها عن تدانيها
وغصن الوفاء بعد اخضراره غدى محتوت=وصار الضما عن رفعة الراس ثانيها
تصبر ترى بالصبر قوة رجا وثبوت=ولا تنتقص روح الوفاء عند شانيها
ترى الماس يامشعل بيفرق عن الياقوت=وانا قولها عن صدق مبدا وعانيها
تعوذ بذكر الله من سطوة الطاغوت=ورس السفينه لاقبلت في موانيها
يقولون راع الوجد مافادته بيروت=وتغني عن الساعه عقارب ثوانيها
وطرد الهوى مابين عله وقل بخوت=ولا ينفع النفس العليله تفانيها
ولافاد من يهوى ويعشق سحر هاروت=وكم من قلوبٍ تشتكي من مجانيها
وهاروت ماهاود عن المعصيه ماروت=وسرالمعاصي تبتدي من غوانيها
ختام البريه كلها قبر او تابوت=بدنيا عسانا نرتفع عن دوانيها
[/poem]

المصدر: مجالس البوادنه - من قسم: مجلس قريحة الاعضاء

لاهنت وبيض الله وجهك
وصح لسانك ولسان الزهيري

صح لسانك يامشعل ولسان الزهيري ولا يستغرب الابداع منك فأنت مبدع في كل الاحوال لك تقديري واحترامي

[glow=#0cace6]صح لسانك ولسان الزهيري[/glow]

صح لسانك يامشعل وصح لسان الزهيري
جزلين ووافين وبيض الله وجيهكم على هذا الابدااااع

اخوي مشعل
صح صح الله
منطوقك ومنطوق الزهيري ملايين ولاتكفي
نعم اقف لارفع قبعتي لكما احترامنا لهذا العزف الوافي والمتميز
ابداع يامشعل بيض الله وجهك ووجه الزهيري ولاهان راسك ولاعدمنا
ابداعك
تقديري

صحت السنتكم جميع وننتظر منكم المزيد