قصيدة بن شلحاط في شهران

قصيدة بن شلحاط في شهران

الشاعر المعروف مانع بن شلحاط قدم لشهران العريضة هذه الأبيات التي وصف فيها بعض القبائل والمشايخ :


لعيـــــون عايض بآمر خشـوم الأقلام
ترقص لبـــو عثمان باجـــــــمل بياني


شـــــاعر قبيله واتحدث باســم يـــام
عجمـــي ولا ســــولفت مانيـب ثاني


انقا ولي مبـــدا ونظرات قــــــــــدام
واقـــــرب وســــيله للقلوب الأذاني


والشـــــعر ماهو مرجله لكن اقسام
واخذت قســــمي عارفٍ وش مكاني


واهدي سلامي لا اعترض ريح الأنسام
يفــــوح ريح الهيــــل والزعــــــفراني


يكســــب رضاكم ود واعجاب واهيام
ويزف لرجـــــال الجـــــــنوب التهاني


هنــــا محل الطيب وحضوره احشام
جمعا هل الطولات قاصـــــي وداني


وتحيةٍ تخــــــضع وفا عبـــــــر الأيام
تبقى مدى التــــــاريخ تحفظ كياني


تكسب رضا شهران في شعري اشمام
زبن الدريـــــــــــك ومـرجعٍ للعواني


ربعٍ تســـــرك لا غدا الموقف زحام
والكـــــــــل منهم صاملٍ مرحباني


أهل الوفا الوافـــين ورجال الاقدام
يوم الزمــان الفــــــــــايت القلباني


بطولةٍ يفــــــــخر بها وجه الإســلام
موت ابــــرهه دون المقام اليماني


وليا اعتزا ابن مشيط ثم وقف وقام
ما قال يآل رشــــــيد قال شهراني


صكوا عليه بشـــلف ورماح وحـــسام
وراعي الذلول بصف راعي الحصاني


ونادوا بناهس وارتـكى الحظ ثم قام
والبيض لإبن فاهـــــده في البياني


وجاك الفــــويه بشعلةٍ تضرم ضرام
يقدع بنــــــي واهب رجال التفاني


وان قربوا الرمثين من جمع الاخصام
عزٍ لإبن شــــــــــكبان ما هو يهاني


وبني منـــــبه تودع العـــــايل حطام
ما يقلط ابن عمــــــــير بالمشبهاني


وبالقرب في ساحة الحـــرب مقدام
بأولاد مفلـــح ما دخلـــــــهم جباني


وإن جر بن هشبل غشى الصبح الإظلام
وزعزع بجــــــــــاد وموخر اليوم شاني


وبني سلول احنوا على مشاري وصام
عن الشــــــــــراب الينه اروا السناني


وجاك الصوع في كود ما ســــمع لوّام
وافنى الجمـــــــــوع ودك كل المباني

وبن رزيّم في ضنى آل غــــــــمر قدام
اليا تفهّــــــــــــق في اللزوم الهداني


وابن سنا ما يمســـــــك الغوج بلجام
لا زعزعوا زلاّل فــــــــــــــــك العناني


ورمح لإبن شـفلوت في الضد ملحام
يقدع بني ســــامه في كل المعاني


وفزعة بني ماجـــــــور تركزلها اعلام
في ساحة ابن الـذيب ما هي تهاني


ومن لاذ بآل عجـــــــير ماهو بمنضام
وسرحان مع حجــــاج درع المحاني


ومن لا ذكرت اسمه له وشاح ووسام
وارجوه يغــــــــفر لي خطايا لساني


ذا حـــــد عرفي يا هل العرف بسهام
من دونكم شــــــعري كسول وواني


صفر المحازم لا طغى الضـــد ثم زام
قضّاية اللازم مقر الحســــــــــــاني


شهــــــــران ماردكم على الكايد حيام
ووقت الرخا فــــيكم وصوف الجناني


من حــــد بيشــــه للسراوات ما دام
غير اسمكم يا معرّبين المجـــــــاني


ربعي وصحبـــــــاني مطانيخ وكرام
الله ياني فيــــــــــــــــكم آزود ياني


وبيتٍ لابن ســـــــرار يبقى له انغام
ما للعمـــــامه مع هل الروس ثاني


هذا وتم القـــــــــــاف وانا صدى يام
وفي الختم لا سولفت ما نيب اثاني

المصدر: مجالس البوادنه - من قسم: مجلس شهران

صح لسانك ولسان ابن شلحاط

لاهنت اخوي الغالي ...

لاهنت يا الشهم الأصيل ولاهان بن شلحاط

يعطيك الف عاافية

والى الامام