البارحه

البارحه

البارحة ربي كتب لي ومريت ** دربٍ عليه بروق الأحباب لاحت
جيت المكان اللي جمعنا وخفيت ** وقامت جروحي للجوارح وصاحت
ياليتني في لفة الدرب زليت ** كان العيون من الدموع استباحت
التم غيم الدمع من يوم لفيت ** وورقا القصيد لشوفة الغيم ناحت
وضحكت ماأبغي الناس تدري يبالفيت ** لكنها غصبٍ على العين ساحت
حارت دموعي في عيوني وصديت ** وأرمشت مابيها تبين وطاحت
وعقبه برق في العين براق واسقيت ** خدي ووناتي بصدري تلاحت
وأنا أحسب إني في فراقه تشافيت ** وان عبرتي من مدخل الزاد زاحت
اللي يحسب إني على البعد سجيت والا ان عيوني للرقاد استباحت
ياليتني من قبل لاحبه اقفيت ** والا ان دروبي عن دروبه تناحت
أهون علي من البكا والتناهيت ** وأشلا من سدودٍ على الناس
باحت عرفت كيف الحي يفرق عن الميت ** وعرفت قيمة نعمتي يوم راحت
قولوله اني عقب بعده تدانيت ** ورجلي عن دروب المعافين شاحت
البعد نار وطاعة العذل كبريت ** يقصر على بعده ترى الكبد فاحت

المصدر: مجالس البوادنه - من قسم: مجلس الشعر

صح لسانك وبيض الله وجهك

[glow=#e01b1b]
لاهـنـت عـلـى طـرح هـذه الأبـيـات الـرائـعـه وأرجـوا ذكـر الـقـائـل ,,,

[/glow]

يعطيك العافية ياأبوشهاب كلام جميل وصح لسان شاعرها

صح لسـانـك

الله الله يابو شهااااب
صح لسااانك ولساااان قايلهاااا
تسلم ولا تحرمنااا من مشاركااتك الرائعه