قصيدة رثاء في الشيخ ردعان الفحيل

قصيدة رثاء في الشيخ ردعان الفحيل

بسم الله الرحمن الرحيم

هذه القصيده رثاء في الشيخ / ردعان بن مناحي الفحيل شيخ قبيله البوادنه


يالله يامطلوب ياخير معبود
ياواحدٍ كل الخلايق تساله

اغفر لنا لا صارو العالم حشود
في موقفٍ كلا ًحسابه لحاله

واغفر لشيخٍ اصبح اليوم مفقود
ردعان شيخ المرجله والشكاله

يبكونه الرمثين غمر معا عود
ويبكونه شيوخٍ حمت كل قاله

يالله عسى منزاله بجنة خلود
مع الأنبياء أهل الكتب والرساله

مقدم هل الهدلا هل الطيب والجود
كسابة الناموس في كل حاله

نسل البويدن هيبه الغرس والذود
من قبل مايحكم بشرع وعداله

وردعان قبله ابوه له فعل مشهود
في زيارة أصحاب السمو والجلاله

وال الفحيل شيوخ من ماضي عهود
وان غاب نجم بان نجمٍ بداله

وياليت من هو للعرب مكسب وفود
يبقى لهم حي ماتطوى حباله

وصلاة ربي عد ماهبت النود
على نبيٍ صادقٍ في مقاله


قصيدة الشاعر / محمد بن سلطان بن مقعد السريعي الشهراني

المصدر: مجالس البوادنه - من قسم: مجلس الشعر

صح لسانك يابو سلطن وبيض الله وجهك على النقل

صح لسان الشاعر ورحم الله ابو سيف وشكراً لك ابو محمد على المتابعة....