مراده بين شاعر المليون علي الحارثي والشاعر حزام بن ثايب

مراده بين شاعر المليون علي الحارثي والشاعر حزام بن ثايب

[poem=font="simplified arabic,5,black,bold,italic" bkcolor="transparent" bkimage="backgrounds/33.gif" border="none,4,gray" type=1 line=0 align=center use=ex num="0,black""]
يقول الشاعر علي الحارثي :-

سلام عن واحد وخمسين دوله=مترابطه في طيب راسي جملها
لبن الشجاع اللي عرفنا فعوله=قالت دول لو شلها ماخذلها
يابو محمد خذت صوله وجوله=في كل دار وشفت مقدار هلها
سلم على اللي لو نشدنا الرجوله=منهو مغامرها ومنهو بطلها
عن داعية شهران كل يقوله=ابو منيف وكلمة الحق قلها
قصر المنامه في مقامه وضوله=بيت ابن ثايب بالمكارم عدلها
زبن المجنا اللي تلاشت حلوله=من تضحيات بطيب ذات ارتجلها
كنه يجيب الكايده بالسهوله=والكايده تدري بأنه فحلها
قولوا لمن عادوه تيك المقوله=المرجله تصعب على غير أهلها
في ساحة الميدان عرضه وطوله=إليا فَرقْ دولارها عن هللها
خذ ياحزام العلم وإن كنت حوله=قبّل يمينه لا عدمتوا مهلها
ترحيبته بالضيف ساعة وصوله=تغني وخذ برقيتي في عجلها
بن ثايب أكبر من قبيله ودوله=يرضي قبايل ويتحدى دولها
اللاش يقصر دون ماطا رجوله=مهما تهقوى هقوته له بدلها
أنتوا بطوله وإبن ثايب بطوله=يانسل من لاقال كلمه فعلها
واللي زعل من بحر مصر إشفطو له=وإن ما رضا خلوه ياكل بصلها
العنصري يرفض ميولي ميوله=والنفس ماطاعت ردا من عذلها
اللي من الرحمن يفرض قبوله=نغليه وأم جنيب نعرف شللها
أنشهد أنك لاسم شهران طوله=ياكل من قالة محمد نقلها

================================
رد الشاعر حزام بن ثايب :-

يامرحبا باللي وصلنا رسوله=برسالةٍ يسلم لنا من رسلها
الشاعر اللي ينتسب في حموله=من لابةٍ ماضيع الله عملها
بالحارث اللي كل طيبٍ عنوله=قبيلةٍ ربي بجوده شملها
اهل الثلاث المقديات المهوله=ماحدٍ سبقهم للثلاث وفعلها
ياذيب كم رجمٍ منيفٍ تطوله=وأما ردي الرابعه في سهلها
قرنت بين الموهبه والرجوله=ماكل من يطرد وراها وصلها
جمعت كنز البحر ماسه ولوله=والله عطاك المقدره وأنت اهلها
يالشاعر اللي يجذب الناس قوله=وأبو ظبي تشهد وهو من قَبَلْهَا
الشعر يوقف لك ويعلن ذهوله=من معرفتك اللي بدت في حللها
خذيت لك في كل ميدان صوله=وأثبت نفسك والشعاعير دلها
صرفك ذهب في وسط سوق العموله=يوم إن بعض الناس ضاعت عملها
واصل مسيرك والقمر ويش حوله=إلا عطارد والطرد في زحلها
أما خفافيش الظلام الخجوله=هذيك خسرانه وربك خذلها
فلا يذم الواحد إلا عذوله=والناس في ذا الوقت كثرت مللها
خل الضعيف اللي تقارع طبوله=الحافله تمشي ويدرج عجلها
طعم العنب وش هو لذا ماينوله=يقول حامض والحقيقة جهلها
وإلا الحقايق واضحة وامعقوله=واللي يبي شخصية ينتحلها
فيفداك لاشٍ ماعدت به ذلوله=ويفداك لاشٍ وزعته ماحملها
وإختامها في صك باب وقفوله=إقبل تحياتٍ غلاك اعتملها
مليون طٌلق وفي اللزوم امعقولة=وأبوي يبلغك التحايا دبلها
[/poem]

المصدر: مجالس البوادنه - من قسم: مجلس الشاعر حزام محمد بن ثايب البوادنه

صح لسان الشاعر علي الحارثي...
وصح لسان شاعرنا المتميز حزام بن ثايب...
وشكراً لك اخي خيال الهدلا...
على متابعتك لكل جديد وحصري ...
بيض الله وجيهكم جميعاً...

صح لسان شاعرنا ولسان الحارثي
مشكور

المشاركة الأصلية كتبت بواسطة خادم ربعه صح لسان الشاعر علي الحارثي... وصح لسان شاعرنا المتميز حزام بن ثايب... وشكراً لك اخي خيال الهدلا... على متابعتك لكل جديد وحصري ... بيض الله وجيهكم جميعاً...

[glow=#de1f1f]
لـك كـل الـشـكـر والـتـقـديـر عـلـى هـذا الـمـرور الـرائـع ومـرورك وسـامٌ عـلـى صـدري ,,,
[/glow]

المشاركة الأصلية كتبت بواسطة السفير صح لسان شاعرنا ولسان الحارثي مشكور

[glow=#de1f1f]
لاهـنـت عـلـى الـمـرور الـرائـع ,,,
[/glow]

صحت ألسنة الشعار والله لا يهينك يا خيالــــــــ الهدلا

صح لسان الشاعر المبدع حزام

وصح لسان الشاعر الحارثي

ولاهنت يااخي خيلا الهدلا على النقل

المشاركة الأصلية كتبت بواسطة عَبْدْالّْمِحْسِـُـٌنْ صحت ألسنة الشعار والله لا يهينك يا خيالــــــــ الهدلا

لاهنت على مرورك الرائع ،،،

ذيب الفلا لاهنت على المرور الرائع ،،،

صح لسان الشاعر علي الحارثي ولسان شاعرنا المتالق دائما وبيض الله وجهك خيال الهدلا على النقل الرائع